Bainvgnü sülla pagina d'internet dal Cumün da Zernez

Nus ans allegrain da Tilla/Til pudair salüdar sün nossa pagina d'internet e giavüschaint bun divertimaint pro la scuverta virtuala da nos cumün.

Il Cumün da Zernez es cun 20 385 ha (203.85 km2) il cumün culla seguond gronda surfatscha in Grischun e'l cumün cul plü bler god da tuot la Svizzra (3'705 ha surfatscha da god).
Situà optimalmaing tanter Engiadina Bassa, Engiadin'Ota e la Val Müstair es nos cumün ün lö ideal per abitar, per lavurar e natüralmaing per far vacanzas. La fracziun da Brail fuorma la punt linguistica e politica a l'Engiadin'Ota vaschina.

1872 bod dal tuot desdrüt d'ün fö ed inrichi dürant ils ons 60 tras la fabrica da las Ouvras Electricas d'Engiadina as rechatta Zernez actualmaing in ün svilup dinamic.

Cun grondas investiziuns as voul schlargiar ed optimar la spüerta per indigens e per giasts.

Sco plü grond cumün dal Parc Naziunal Svizzer, 68 % dal territori dal Parc Naziunal as rechatta nempe sün territori da Zernez, sco entrada principala dal Parc e sco cumün chi da albierg al Center d'infuormaziuns dal Parc Naziunal Svizzer es Zernez il lö ideal da partenza per activitats turisticas.