Il quartier Ruzön (avant amo Clüs) a Zernez as rechatta fingià illa seguonda etappa. Als 17 december 2009 es entrada la planisaziun da quartier in vigur legala, usché chi's po cuntinuar culs prossems pass in quista seguonda part dal nouv quartier. Ruzön I es fingià surfabrichà cumplettamaing e quai güsta duos ons davo la partenza da la planisaziun!
A partir da Pasqua 2010 vegnan tuttas per mans las fabricas da l'infrastructura publica tras il cumün. 

Usché as po prevaira cha las prümas chasas pon gnir realisadas a partir dal gün/lügl 2010.

Il terrain da fabrica Ruzön as rechatta sün üna veglia deponia da material (material dal Vereina). Las pussibilitats da fabrichar sün quista deponia es gnüda examinada dal 2000 d'ün büro d'ingenieurs e documentada in ün rapport correspundent.

Il quartier Ils Muots a Brail es creschü dürant ils ultims ons constantamaing. Il Cumün da Zernez posseda actualmaing amo üna ultima parcella da fabrica illa grondezza da ruduond 550 m2.
La planisaziun per ulteriuras ultimas tschinch parzellas da fabrica in Ils Muots, chi sun in possess dal man public, es in elavuraziun.

La finischiun da las lavurs da planisaziun es previssa pel 2008. La fabrica dals fabricats d'infrastructura publica stuvess esser, tenor bsögn, pussibla pel 2008. Uschè da dürant l'on 2009 as po realisar lura las chasas.

Interessats as pon annunzchar illa chanzlia cumünala.