SCOULA

L'on 2006 han las respectivas radunanzas cumünalas decis la fusiun preparada daspö divers ons da las scoulas  dals cumüns da Zernez, Susch, Lavin, Guarda ed Ardez.

A partir dal on da scoula 2007/2008 vain organisada e manada la scoula da quists cumüns sur il consorzi da scoulas "Scoulas dad A(rdez) - Z(ernez)".

Scoulinas vegnan manadas pel mumaint amo a Zernez, Lavin e ad Ardez. Scoulas primaras a Zernez, Susch, Lavin e ad Ardez. Il s-chalin ot (secundara e reala) es organisà a partir dal avuost 2007 be plü a Zernez.

Las respectivas radunanzas cumünalas delegeschan il cussagl consorzial, il qual dispuona sur da 10 commembers, e quai our da mincha cumün duos delegats, ed our dal cussagl da scoula consorzial.
L'organisaziun da la scoula suottastà al cussagl da scoula consorzial, il qual dispuona da sia vart our da 9 commembers. Ils cumüns da Susch, Lavin e Guarda delegeschan minchün ün commember, il cumün d'Ardez duos ed il cumün da Zernez das-cha delegar quatter commembers, masürà a la ciffra dal abitants.

Las persunas da contact al consorzi da scoulas sun Jachen Gaudenz, president dal cussagl da scoula consorzial o Reto Lehner, manader da scoula.

Per l'administraziun es respunsabla la cumünanza da chanzlias Susch-Guarda, Robert Cantieni.

Consorzi da scoulas A-Z Chasa da scoula 7530 Zernez

Telefon Telefax E-mail Internet

081 851 40 70 081 851 40 79 scoula@gmx.ch www.afinzet.ch

Ulteriuras infuormaziuns sur dal consorzi da scoulas A-Z as survain sülla pagina d'internet www.afinzet.ch.