Cumün da Zernez

Ils cumüns da Lavin, Susch e Zernez/Brail han fusiunà süls 1. schner 2015 al nouv Cumün da Zernez. Il nouv Cumün da Zernez ha bundant 1'600 abitants ed es cun 344 km2 ün dals plü gronds cumüns da la Svizra tenor surfatscha . Culla fusiun ha Zernez survgnü üna nouva vopna, chi cuntegna ils elemaints principals dals trais anteriurs cumüns. La vopna dal vegl Cumün da Zernez resta sco vopna da cumün. La gronda part dal cumün fusiunà da Zernez discuorra rumantsch, i vegn però discuorrü dapertuot eir tudais-ch.

Politicamaing tocca il Cumün da Zernez pro l'Engiadina Bassa ed uschè es el eir commember da la corporaziun regiunala Regiun Engiadina Bassa / Val Müstair.

Sco center geografic da l'Engiadina es Zernez la colliaziun tanter l'Engiadina Bassa/Val Müstair e l'Engiadin'Ota.

Turisticamaing suottastan Zernez e Brail a la Destination Engadin St. Moritz, intant cha Susch e Lavin toccan pro la destinaziun Engiadina Scuol. Local rapreschainta ün coordinatur turistic ils interess turistics dal Cumün da Zernez. 

Adressa e contact

Cumün da Zernez
Center Cumünal
Urtatsch 147A
7530 Zernez

T. +41 81 851 44 44
E. zernez@zernez.ch