Fabrichar a Zernez

Fabricas chi suottastan a l'artichel 40 da l'ordinaziun davart la planisaziun dal territori dal Chantun Grischun, sun dad annunzchar a l'uffizi da fabrica e manzunar ils seguaints puncts:

  • nomer da la parcella
  • descripziuns dal proget da fabrica
  • skizza dal proget da fabrica
  • infuormaziuns reguard dürada e termins dal proget da fabrica

L'uffizi da fabrica fa attent, cha tenor la pratcha actuala ün'annunzcha da fabrica nu vegn respusa. Schi fa dabsögn per ün proget da fabrica üna dumonda da fabrica ordinaria, vegn quai annunzchà al patrun da fabrica. Il patrun da fabrica surpiglia la respunsabilità, cha'l proget da fabrica annunzchà correspuonda a las prescripziuns legalas.

Dumondas da fabrica per fabricas our da la zona da fabrica: Implü a la solita dumonda da fabrica cumünala sto gnir inoltrà il formular chantunal per dumondas da fabrica (BaB) in trais exemplars.

Attachs al provedimaint da forz'electrica da l'OE Zernez

Attachs da tuot gener al provedimaint da forz'electrica da la fracziun Zernez ston gnir annunzchats urgiaint ed a temp cun quists formulars a l'OE Zernez.

Per attachs al provedimaint da forz'electrica illa fracziun Brail es la Repower AG a Bever respunsabla.

Per attachs als provedimaints da forz'electrica illas  fracziuns Susch e Lavin es l'EE Energia Engiadina SA  a Scuol respunsabla.

Oblig d'annunzcha müdamaints illas abitaziuns

I'l Chantun Grischun exista l'oblig d'annunzcha per terzs. Possessurs d'abitaziuns/fittaders sun obliats d'annunzchar a la controlla d'abitants müdadas da lur fittadins. Seguaintas infuormaziuns sun necessarias:

  • data d'arriv o data da partenza
  • nom e prenom dal nouv fittadin
  • adressa da l'abitaziun, plan e nomer da stanzas da l'abitaziun
  • nom dal fittadin scuors
  • fittader

Las infuormaziuns pon gnir fattas via telefon a la  controlla d'abitants . Grazcha fich per lur collavuraziun.