Vacanzas d'inviern a Zernez

Il Cumün da Zernez cun sias fracziuns Brail, Susch & Lavin nun es sül prüm sguard forsa üna destinaziun tipica da vacanzas d'inviern. La pusiziun centrala tanter ils cuntschaints lös da vacanzas d'inviern Scuol, San Murezzan, Livigno e Tavo/Klosters spordscha a nos giasts però üna gronda sporta, chi'd es ragiunschabla cumadaivel e svelt cun mezs da transport publics.

Passlunghist giodan l'attach direct a la vasta rait da loipas in Engiadina Bassa ed Engiadin'Ota e viandants d'inviern giodan sün sendas preparadas la quietezza da la cuntrada Engiadinaisa innaivada. Skiunzs e snowboardist sun svelt illas grondas staziuns da skis in Engiadina Bassa ed Engiadin'Ota, Livigno e la destinaziun Tavo/Klosters. Il runal da skis d'uffants (Lavin) las vias da schlitra in tuots las fracziuns, ün glatsch artificial (Zernez) ed ils glatschs natürals (Zernez, Lavin) cumplettan la sporta d'inviern. Be il Parc Naziunal Svizzer nun es avert d'inviern, perche ch'el es sepuli suot üna grossa cuverta da naiv.