Selecziun dad activitats & excursiuns

Gita pro'ls lais da Macun

23 lais cun spassegiada circulara cun observaziun da sulvaschina, vadrets imposants, plantas raras e per l'ultim amo draguns e nanins fan Macun ad üna da las perlas dal Parc Naziunal. Al cuntrari dal rest dal territori dal Parc Naziunal ans muantain quia sün terrain cristallin, aint il gnais ed amfibolit da la cuverta dal Silvretta. Gita eir adattada per famiglias adüsadas da viandar.

Gita Munt la Schera

Gita cun üna grondiusa vista panoramica sur tuot il territori da l'Ortler, la gruppa dal Bernina ed aint illa Val dal Spöl cun il lai stagnà da Livigno. Il Munt La Schera, geologicamaing interessant, tocca pro'ls pacs piz aint il Parc Naziunal chi's po ir sü.