Tribunal regiunal Engiadina Bassa/Val Müstair

Il tribunal regiunal Engiadina Bassa/Val Müstair as cumpuona per la perioda d'uffizi dals 1. schner 2017 fin als 31 december 2020 seguaintamaing. 

La refuorma da territori i'l chantun Grischun maina a partir dal 2017 ad üna nouva structuraziun da la güstizia Grischuna. Our dals tribunals districtuals da fin quia sun dvantats pels 1.1.2017 tribunals regiunals. 

Sco ulteriura etappa da la realisaziun da la refuorma da territori decisa l'on 2012 dal suveran Grischun sun gnüts s-chaffits ündesch tribunals regiunals. Els executeschan invezza dals ündesch tribunals districtuals in avegnir sco tribunals chantunals inferiurs la giuridicaziun civila e penala. Ils tribunals regiunals sun part da la corporaziun territoriala dal chantun Grischun. Süllas tschernas dals güdischs dal tribunal regiunal nun ha la refuorma dal tribunal ingün'influenza. Quels vegnan elets sco fin quia dal suveran da la singula regiun. 

Per stabilir ils tribunals regiunals sco tribunals chantunals inferiurs es stat necessari üna revisiun parziala da la ledscha d'organisaziun güdiciala. Ulteriuras ledschas sun amo d'adattar; plüs decrets chantunals as referischan a la terminologia districtuala, tribunal districtual, president dal güdisch districtual. Ils decrets pertocs sun gnüts adattats il rom da la revisiun parziala da la ledscha d'organisaziun güdiciala a la nouva terminologia. Ils müdamaints sun entrats in vigur süls 1. schner 2017. Ils güdischs dals tribunals regiunals sun gnüts elets dürant l'on 2016. La dürada d'uffizi va inavant sainza interrupziun da la dürada d'uffizi dals güdischs districtuals.

Chombra civila

Presidi: lic. iur. utr. Orlando Zegg
Commembers: Marco Fallet, Ursina Cuorad, Ursla Pedotti, lic. iur. Not Carl
Vicepresidi: lic. iur. Not Carl
Substituts: Corsina Feuerstein, Claudia Duschletta, Albin Prevost, Jon Armon Strimer

Chombra penala
Presidi: lic. iur. utr. Orlando Zegg
Commembers: Corsina Feuerstein, Claudia Duschletta, Albin Prevost, Jon Armon Strimer 
Vicepresidi: lic. iur. Not Carl
Substituts: Marco Fallet, Ursina Cuorad, Ursla Pedotti, lic. iur. Not Carl

Tribunal regiunal Engiadina Bassa/Val Müstair
Saglina 22
CH-7554 Sent
T. +41 81 864 93 33
F. +41 81 864 93 44