Allegra e bainvgnü sülla pagina d'internet da la scoula Zernez!

In nos cumün da Zernez chi's cumpuona da las fracziuns Brail, Susch e Lavin, visiteschan scolaras e scolars la scoulina, la scoula primara sco eir il s-chalin ot. La scoulina a Lavin cumplettescha il lö da scoula Zernez ingio cha eir üna part dals scolarins da Zernez tilla frequaintan.

La scoulina a Zernez as rechatta illa chasa cumünala. Quist on scolastic pudaina retrar üna scoula nouva, respectivamaing renovada pel s-chalin primar e pel s-chalin ot. La scoula es situada sper il museum da la chasa dal Parc Naziunal.

L'on scolastic 2021/2022 instruischan nossas 24 persunas d'instrucziun a 167 scolaras e scolars ill'età tanter 5 e 16 ons. I'l ravuogl da la magistraglia vegnan discurridas las seguaintas linguas: rumantsch, tudais-ch, inglais, talian, frances e portugais. Pro'ls uffants sun quai rumantsch, tudais-ch, portugais, tibetan, talian, albanais, ungarais, slovac ed ollandais.

Per dumondas generalas a reguard la scoula as drizzan Els al secretariat. Per dumondas chi tangheschan a Lur uffant es la prüm'instanza da contact la persuna d'instrucziun da classa. La megldra via per ragiundscher a la magistraglia es a man d'ün mail (prenom.nom@scoulazernez.ch) obain via telefon sur il secretariat. La mainascoula es tanter oter respunsabla per l'andamaint scolastic e pel sgürar la qualità. Schi füss giavüschà ün discuors culla mainascoula esa per plaschair ouravant da stipular ün termin.
Gugent spordschain nus tenor bsögn eir ün discuors cun traducziun.

Nus ans allegrain per ün prüm contact!

Contact

Secretariat da scoula
Flurina Eichholzer
Chasa da Scoula
7530 Zernez
T. +41 81 851 44 60
E-mail

 

Mainascoula
Jon Candrian
Chasa da Scoula
7530 Zernez
T. +41 181 851 44 61
E-Mail

 

Cussagl da scoula
Link

 

Custodi/custodia
Andri Schmidt
Via Sura 80
7530 Zernez
T. +41 81 856 10 78
M. +41 79 608 52 11
E-Mail

Cristina Fontana