Foto Yannic Gross

Allegra e bainvgnü stimats genituors, respunsabels per l’educaziun e visitadras/visitaders sülla pagina da scoula da Zernez.

Eir quist on scolastic pon nossas 25 magistras e noss magisters cun per part pensums parzials e per part pensums plains darcheu instruir a 160 uffants da scoulina, primara e dal s-chalin ot. Las scolaras e’ls scolars derivan da Brail, Zernez, Susch e Lavin.
Per l’andamaint e svilup, per la sgürezza da qualità in tuot geners da scoula ed eir per ragiundscher las incumbenzas scolasticas es il mainascoula respunsabel. El maina la scoula in fuorma operativa ed es persuna da contact per instanzas internas ed externas. In reguards administrativs vain el sustgnü da la secretaria da scoula e lavura stret insembel cul cussagl da scoula. In favrer 2018 ha gnü lö l'evaluaziun da nossa scoula tras l'inspectorat e'l fat cha'ls resultats da quist'evaluaziun sun stats fich positivs es fich allegraivel.
Il fabricat nouv (annex) da scoula es pront e quatter classas primaras (3.-6. classa)  vegnan instruidas l’on scolastic 2020/21 illas localitats nouvas. La part da la chasa da scoula chi vain sanada e renovada vain finida per la fin da l’on scolastic. Fin cha tuot il fabricat es scholt vain il rest da las classas primaras e’l s-chalin ot instrui illa chasa Alossai.
Quist es l’ultim on scolastic cha’ls scolarins da Susch e Lavin frequaintan la scoulina a Lavin. Dal 2021/22 vegnan tuots illa scoulina a Zernez. Ün müdamaint daja eir pel s-chalin ot. A partir da quist on scolastic vain la 7avla classa la prüma jada instruida a man dal model cooperativ i’ls roms matematica, rumantsch, tudais-ch ed inglais (il model C ha l’avantag da la permeabilità da nivels e tip – Niveau- und Stufendurchlässigkeit). Mincha scolara e mincha scolar vain parti aint a man da sias capacitads in quists quatter roms scolastics, independentamaing dal tip reala o secundara.

Il büro da mainascoula e’l secretariat as rechattan pervi dal fabricat da scoula per l’on scolastic 2020/21 in chasa cumünala sül plan terrain a dretta da l’entrada principala. Contactar pon Ellas/Els a la secretaria obain al mainascoula per telefon, per mail sco eir passar dürant las uras da büro. Per fixar ün termin per ün discuors cul mainascoula in büro fan Ellas/Els il bain da trametter ün e-mail obain da telefonar.

Yannic Gross, mainascoula

Contact

Secretariat da scoula
Flurina Eichholzer
Chasa da Scoula
7530 Zernez
T. +41 81 851 44 60
E-mail

 

Mainascoula
Yannic Gross
Chasa da Scoula
7530 Zernez
T. +41 81 851 44 61
E-mail

 

Cussagl da scoula
Link

 

Custodi/custodia
Andri Schmidt
Via Sura 80
7530 Zernez
T. +41 81 856 10 78
M. +41 79 608 52 11
E-Mail

Cristina Fontana