Foto Yannic Gross

Stimats genituors, respunsabels d'educaziun e stimadas visitadras e stimats visitaders.

Sumgliaint sco l'on passà frequaintan quist on scolastic 2019/2020 160 uffants dals trais ciclus scoulina, primara e s-chalin ot dals cumüns Brail, Lavin, Susch e Zernez la scoulina e scoula a Lavin e Zernez. Instruits vegnan els da 22 magistras e magisters cun per part pensums plains e divers parzials. Il mainascoula, chi'd es a partir da quist on eir preschaint a las sezzüdas da la direcziun operativa, es tanter oter respunsabel pel svilup e l'andamaint da scoula, el maina discuors da collavuraturs e collavuraturas, promouva e sgüra la qualità d'instrucziun sco eir ils böts e las incumbenzas scolasticas, pel manar operativ ed es persuna da contact per instanzas externas. El maina il persunal ed es respunsabel pel preventiv scolastic. Sustgnü vain il mainascoula in reguards administrativs da sia secretaria e lavura stret cul cussagl da scoula. In favrer 2018 ha gnü lö l'evaluaziun da nossa scoula tras l'inspectorat e'l fat cha'ls resultats da quist'evaluaziun sun stats fich positivs es fich allegraivel. Als 13 d'avuost 2019 ha cumanzà la renovaziun e l'ingrondimaint da la chasa da scoula e nus ans allegrain tuottas e tuots per quist fabricat.

Il büro da mainascoula e'l secretariat as rechattan i'l listess local sül seguond plan da scoula a Zernez. Contactar pon Ellas/Els a la secretaria o a mai obain per telefon, per mail sco eir passar in büro.

Yannic Gross, mainascoula

Contact

Secretariat da scoula
Flurina Eichholzer
Chasa da Scoula
7530 Zernez
T. +41 81 851 44 60
E-mail

 

Mainascoula
Yannic Gross
Chasa da Scoula
7530 Zernez
T. +41 81 851 44 61
E-mail

 

Cussagl da scoula
Link

 

Custodi/custodia
Andri Schmidt
Via Sura 80
7530 Zernez
T. +41 81 856 10 78
M. +41 79 608 52 11
E-Mail

Cristina Fontana