Allegra e bainvgnüts sülla pagina d'internet da la scoula da Zernez

In nos cumün da Zernez cun sias fracziuns Brail, Susch e Lavin pon las scolaras e'ls scolars frequentar üna da las duos scoulinas, Chasa Alossai o Chasa Cumünavla, la scoula primara sco eir il s-chalin ot. Tuot las instituziuns as rechattan a Zernez.

La chasa da scoula attractiva e moderna da la scoula primara e secundara as rechatta be dasper il Museum dal Parc Naziunal.

L'on scolastic 2022/23 vegnan instruits 169 scolaras e scolars da 28 persunas d'instrucziun. Nossas scolaras e noss scolars han las seguaintas linguas maternas: rumantsch, tudais-ch, portugais, tibetan, talian, albanais, ungarais, slovac ed ollandais. Tanter las persunas d'instrucziun sun rapreschantadas la lingua rumantscha, tudais-cha, inglaisa, francesa e portugaisa.

Las experienzas linguisticas e culturalas variadas vezzain nus sco inrichimaint. Nus sustgnain, accumpagnain e promovain nossas scolaras e noss scolars sün lur via da scuvrir e sviluppar lur talents.

In cas da dumondas generalas chi pertoccan la scoula as drizzan Ellas/Els il meglder al secretariat da scoula. Il prüm punct da contact per dumondas davart Lur uffant es la persuna d'instrucziun da classa. Ellas/Els ragiundschan las persunas d'instrucziun il meglder via e-mail (prenom.nom@scoulazernez.ch) o per telefon via il secretariat.

La direcziun da scoula es tanter oter cumpetenta per andamaints scolastics, per garantir la qualità e per sviluppar inavant la scoula. In cas da dumondas e giavüschs sta la direcziun da scoula gugent a disposiziun. Ch'Ellas/Els fetschan giò per plaschair ouravant ün termin. Gugent organisain nus, tenor bsögn, ün discuors cun traducziun.

Contact

Secretariat da scoula
Liliana Toutsch
Chasa da Scoula
Urtatsch 4
7530 Zernez
T. +41 81 851 44 60
E-mail

 

Mainascoula
Peter Thiele
Chasa da Scoula
7530 Zernez
T. +41 181 851 44 61
E-Mail

 

Cussagl da scoula
Link

 

Custodi/custodia
Andri Schmidt
Via Sura 80
7530 Zernez
T. +41 81 856 10 78
M. +41 79 608 52 11
E-Mail

Cristina Fontana

Uras d'averüra secretariat da scoula

  • Mardi: 14.00 - 17.00 h
  • Gövgia: 08.00 - 11.00 h
  • Venderdi: 08.00 - 11.00 h