Fabrichar a Zernez

Fabricats, chi suottastan a l’artichel 40 da l’ordinaziun davart la planisaziun dal territori, sun dad annunzchar a l’uffizi da fabrica cun seguaints puncts :

  • Nomer da parcella
  • Descripziun dal proget da construcziun
  • Skizza dal proget da construcziun
  • Infuormaziuns reguard dürada e termins dal proget da construcziun

L’uffizi da fabrica fa attent, cha tenor la pratcha actuala nu vegn respus sün ün’annunzcha da fabrica. Schi fa dabsögn d’üna dumonda da fabrica ordinaria, vegn quai comunichà al patrun da fabrica. Il patrun da fabrica surpiglia la respunsabiltà, cha’l proget da construcziun annunzchà correspuonda a las prescripziuns legalas.  

Dumondas da fabrica per fabricats dadour la zona da fabrica :  Implü a la normala dumonda da fabrica cumünala as sto dar aint la dumonda da fabrica chantunala (BaB) in trais exemplars.

Attachs al provedimaint da forz'electrica da l'OE Zernez

Attachs da tuot gener al provedimaint da forz'electrica da la fracziun Zernez ston gnir annunzchats urgiaint ed a temp cun quists formulars a l'OE Zernez.

Per attachs al provedimaint da forz'electrica illa fracziun Brail es la Repower AG a Bever respunsabla.

Per attachs als provedimaints da forz'electrica illas  fracziuns Susch e Lavin es l'EE Energia Engiadina SA  a Scuol respunsabla.

Oblig d'annunzcha müdamaints illas abitaziuns

I'l Chantun Grischun exista l'oblig d'annunzcha per terzs. Possessurs d'abitaziuns/fittaders sun obliats d'annunzchar a la controlla d'abitants müdadas da lur fittadins. Seguaintas infuormaziuns sun necessarias:

  • data d'arriv o data da partenza
  • nom e prenom dal nouv fittadin
  • adressa da l'abitaziun, plan e nomer da stanzas da l'abitaziun
  • nom dal fittadin scuors
  • fittader

Las infuormaziuns pon gnir fattas via telefon a la controlla d'abitants . Grazcha fich per lur collavuraziun.

Lavuratori cumünal ed uffizi forestal