La metropola da cultura in Engiadina

Zernez, ma surtuot sias fracziuns Lavin e Susch, sun las metropolas da cultura in Engiadina Bassa. Plüssas instituziuns tscherchan la favur da giasts interessats da la cultura e spordschan dürant tuot on, üna vast'offerta da cultura.

La Vouta (Lavin)

Il teater pitschen as rechatta i’l schler cun vout dad üna chasa d’abitar e spordscha daspö 20 ons ün program d’ota valur cun giasts da las spartas teater, musica e performanza. Artists sco Jaap Achterberg, Hazel Brugger o Ueli Bichsel as poja inscuntrar regularmaing sül palc da La Vouta.

www.lavouta.ch
T +41 76 447 33 80

Hotel Piz Linard (Lavin)

L'hotel sülla plazza immez il cumün da Lavin, chüra la colliaziun da giodimaint e cultura in möd multifari. Concerts, lectüra, films ed exposiziuns d'art insembel cun buntats da la maisa.

www.pizlinard.ch - HAUSAGENDA 

T +41 81 862 26 26

Bistro Staziun (Lavin)

Il Bistro Staziun s’ha specialisà in prelecziuns ed ha fingià gnü sül palc a Simon Libsig, Arno Camenisch, Pedro Lenz o a l’autura da Lavin Leta Semadeni. Ma eir Oscar Peer ha let our da seis cudeschs illa sala d’aspet.

 

www.staziun-lavin.ch

T +41 79 438 50 08

GRAVAcultura (Susch)

Da prümavaira fin d'utuon han lö illa GRAVAcultura a Susch differentas occurrenzas culturalas.

info@gravacultura.ch

www.gravacultura.ch
T +41 79 364 67 00 

Muzeum Susch

Il stabilimaint da clostra dal temp medieval es gnü renovà ed adattà, uschè chi'd es dvaintà ün'unità - cun ün tunnel da colliaziun, grottas e localitats modernas d'exposiziuns per installlaziuns permanentas e temporaras d'art contemporan. 

www.muzeumsusch.ch
T. +41 81 861 03 03

Cinema Staziun Lavin

Daspö Pasqua 2022 ha l’Engiadina Bassa darcheu ün «dret» kino. Quel as rechatta aint il deposit renovà da la staziun da Lavin ed es üna part dal Bistro Staziun. 25 plazzas ha la sala; podests plazzats sco sün üna tribüna permettan davent da tuot las plazzas üna vista perfetta sülla taila da projecziun. E las pultrunas, concepidas e prodüttas aposta per quist kino, in üna coproducziun indigena da DaLini a Susch ed Interieur Horath a Scuol, pisseran per ün evenimaint da kino ourdvart cumadaivel. Il Cinema Staziun muossa adüna il venderdi e la sonda a las 20:15 films da kino actuals.

 

 

www.staziun-lavin.ch