Parc naziunal svizzer

Bod na da crajer: I'l chantun il plü aint il ost da la Svizra es il muond amo uschè, sco ch'el d'eira dal temp da nos tats. 170 kilometers quadrats natüra intacta, in quala l'uman daspö daplü co 100 ons nun ha bod mai intervgnü in seis svilup. Avant var 100 ons, dal 1914, han visiunars fundà il parc naziunal svizzer ed uschè creà ün'oasa unica. Lur böt: preservar per las generaziuns venturas in Engiadina ün toc cuntrada sulvadia natürala.  

Listess visiunar ed unic es stat lur intent, da fundar in Grischun il prüm parc naziunal da l'Europa centrala. Daspö l'on 1914 es il territori protet. I nu s'ha gnanca s'intermiss, cur cha l'on 1951 es stat ün grond incendi. Hoz vivan aint il parc naziunal svizzer sur 5000 sorts bes-chas. In ögl dà eir la flora cun sur 650 differentas sorts da plantas.

Center da visitadurs

Passantar e scuvrir, as schmüravigliar e metter in dumonda, crear: aint ils quatter locals d'exposiziun dal center da visitadurs s'avicinan ils giasts al tema parc naziunal, sia fauna e flora, si'istorgia, a la gronda varietà da la natüra in ün tuottafat nouv möd. Üna guida auditativa in tschinch linguas accumpagna ils visitadurs tras l'exposiziun permanenta. La senda da scuvertas invida uffants, da perscrutar sün aignas sendas. 

La sporta aint il center da visitadurs resümà:

  • exposiziun permanenta interactiva, aventüraivla
  • guida auditativa in 5 linguas (d/r/f/i/e)
  • senda da scuvertas per uffants
  • exposiziun speciala chi müda stagiunalmaing
  • preschantaziun multimediala da las organisaziuns partenarias
  • reliev da laser e staziuns infuormaziun
  • butia cun gronda sporta
  • lö d'infuormaziun parc naziunal e turissem Zernez
  • fittanza da spejels da champogna (Swarovski)
  • procurar guidas aint il parc naziunal svizzer


Parc Naziunal Svizzer
Center da visitadurs Zernez
Tel. +41 81 851 41 41
info@nationalpark.ch
www.nationalpark.ch