Cumünanza

Il Cumün da Zernez cun sias fracziuns Brail, Zernez, Susch e Lavin spordscha üna gronda variaziun d'activitats da temp liber. Chi chi'd es gugent illa natüra, chatta quia ün paradis: il parc naziunal svizzer, skis e snowboard, alpinissem, ir culs patins, ir cul velo in tuot sias variantas, far gitas, tennis ed oter plü - tuot es bod pussibel davant porta chasa.

Lapro vegn üna gronda sporta dad instituziuns culturalas. Ed il plü spezial landervia: indigens fan part activmaing tras lur collavuraziun in clubs e societats ed inrichan uschè la sporta da temp liber da Zernez. Güst per nouvarrivats üna pussibiltà ideala, per s'integrar svelt illa cumünanza.